MENUA

2017/11/12

TURON GARIÉ 2.381 mt, SOUM D'AAS 2.427 mt, PIC D'AULIOU 2.409 mt Bious Oumètte-tik.

2017-08-25 Berriz gaude Jean Pierre-ren azpian, baina gaur Bious-eko aparkalekura igo beharrean, presaren azpian dagoen Bious Oumètte-en utzi dugu kotxea. Gaurko plana, Aule sakanetik igotzea eta Arrec d'Aas-etik jeistea da, beste ibilbide zirkular bat osatuz. Paraje hauek ez dira Ayous-ekoak bezain ezagunak, baina pena merezi du ezagutzea.

Aule sakanetik gora. Bide hau hainbat aldiz erabili dugu, Aule lakura igotzeko, hor erdian ikusten den Gaziés mendira igotzeko, e.a.

Urjauziak Aule sakanean. Nahiz eta abuztua izan oso jende gutxi ikusiko dugu inguru hauetan, eta tontorretan inor ere ez.

Aule-ko artzaien txabola. Hemen badago mugimendua.

Gaziès beti aurrean. Guk gaur albo batean utziko dugu, eta goian ikusten den lepoaren ingurutik ezkerrera dihoan ertza jarraituko dugu.


Putre hau gure gainetik pasa da. Ez da argi ikusten, baina marmota bat daramala dirudi.

Aule lakua eta Midi. Eskuinean, Pic d'Auliou. Xarmagarria da toki hau. Hona ez da etortzen Ayous-eko lakuetara joaten den jendetza.

Zaldiak lasai dabiltza laku ertzean.

Lakutik gora Turón Garié leporuntz.

Lepora heldu gabe, zuzenean hartu dugu Turón Garié mendiaren tontorreruntz. Atzean, Sesques mendilerroa.

Kanal txiki batetatik igo dugu ertzera, tontorretik gertu. Atzean Gaziès eta Pic d'Aule. Hau ihez ezagutu genuen, Gabás-etik Er lakutik gora igota. Anekdota bezala, Aule-ko txabolatik pasa garenean bertako artzaiarekin egon gara hizketan eta berarentzat Aule mendia ez da hori, gu orain igotzera goazena baizik, hau da Soum d'Aas. Ez da gertatzen zaigun lehenengo aldia...

Orain Aspe harana daukagu gure eskuinean, eta Lescún-eko mendiak atzean.

Castillo de Acher.

Aule lakua gure azpian orain.

Turón Garié pasa eta ertz erosoa geratzen zaigu Soum d'Aas-era.

SOUM D'AAS (2427m). Atzean, erdi izkutatuta, Auliou tontorra, eta atzerago Midi, Telera eskuinean,...

Sesques eta Caperan-a burua ateratzen.

Hemendik aukera bat aurrean ikusten den ertza jarraitzea da, gero behean ezkerrera jeisteko. Baina guk ezkerrean dahoen Auliou tontorrera nahi dugu joatea eta, beraz, ezkerrera jeisten den ertzetik joango gara bi mendien arteko lepora.

Ertzetik jeisten. Jetsiera laburra da, eta ondoren Auliou-ra igoko dugu, momenturen batean eskuak erabiliz, baina arazorik gabe.

Ertzetik, gero jeisteko erabiliko dugun Arrec d'Aas sakana ikusten dugu. Eskuinean dagoen Ayous mendiak babesten du sakan hau. Bere atzean, Moines eta Casterau ikusten dira, eta Moleta, Pala de Ip, eta beste hainbeste. Eta Midi, nola ez.

PIC D'AULIOU (2409m). Aule lakua eta Gaziès eta Aule mendiak.

Bezperako Casterau eta Moines.

Orain jetsiera bortitza daukagu lakutxo horretara heltzeko. Hemen ez dago biderik eta mugarrik ere ez. Toki egokienak bilatu behar dira. Eskuinean Ayous mendia, eta ezkerrean Midi eta Peyreget.

Mazela zabala da eta sigi-sagaka lortuko dugu jeistea.

Hemen gaude putzuan, eta Midi eta Peyreget-en ikuspegi dotorea daukagu.

Lurien, Balaitús, Frondiellas, Arriel.

Arrec d'Aas sakanaren beheko aldea. Hor, Ayous-en azpian dagoen lepotik datorren bidearekin egingo dugu topo. Bide garbia eta erosoagoa.

Han atzean dago aipatutako lepoa eta Ayous mendia. Gu eskuinetik etorri gara.

Artzaien txabola. Hemen hasi gara jendea ikusten.

Bide zabala Bious-eko urtegira jeisteko.

Urtegia eta Midi. Atzo beste aldetik ibili ginen.

Presa zeharkatu eta Oumètte-ko aparkalekura jeistea geratzen zaigu. Itzuli dotorea gaurkoa ere eta bezperakoa baino bakartiagoa. Gozamena!

2017/11/06

PIC DES MOINES 2.347 m eta CASTERAU 2227m. Bious lakuen itzulia

2017-08-24 Girona eta Aran aldeko "periploa" bukatuta, Tramacastillako "kanpo basera" etorri ginen atzo, eta gaur goizeko 8etarako Bious Artigues-eko aparkalekuan gaude. Hainbat aldiz ibili gara paraje hauetan, baina ez gara aspertzen.
Gaurko ibilbidea. Hasiera batean, Moines igo eta lakuen zirkuitoa egitea da asmoa, baina gero beste tontor berri bat gehituko dugu.

Gu goruntz eta artzai hau behera bere artaldiarekin.



Jean Pierre-ren babesean gaude.

Bious-eko urtegia.

Eta erreka.

Gave de Bious eta Casterau mendia erdian. Ezkerrean, Paradis. Ohikoa den bezala, mendizale ugari inguru honetan, asko Midiren itzulia egitera, eta beste asko Ayous-eko lakuen itzulia osatzera.

Midi ilun dago oraindik. Embarradère alde basatia.

Lehenbizi Casterau lakura igoko dugu. Bi tontorren erdian kokatzen da. Hemendik igarotzen garen bakoitzean Casteru mendiaren itxurak asko deitzen digu, eta igoera posiblea aztertzen egon izan gara. Gero ezagutuko dugu.

Atzera begira, Bious harana eta Cèzy, Ancicètte,... Gourette inguruko mendiak.

Cap de Pount-eko etxola, eta artzatxakurra korrika guregana. Bere lurraldea babesten.

Oso bide ezaguna da hau eta ondo balizatuta dago. Ez dago galtzerik. Ayous-eko lakuen zirkuitoa.

Bious harana Midi-ren oinetan, eta Gourette-ko mendiak fondoan.
Casterau lakuko baliza.
Casterau lakua eta Midi.

Guk hemen Ayous-eko lakuen bidea utziko dugu, eta ezkerrera hartuko dugu Moines leporuntz.

Aurrean daukagu Moines tontorra, eta metro batzuk egin ondoren bere lepora doan bidetik, hau ere utzi eta diagonalean joango gara goruntz, tontorraren azpiko lepotxora irteteko.

Hezeguneak.

Aguas Tuertas txiki bat.

Moines lepora ( eta Astún-era ) doan bidea beheko bloke horien azpitik doa. Gu zuzenean ari gara igotzen. Aldapaz aparte ez dago inongo arazorik.

Eta ohiko bidetik, azkenengo zatia igotzen ari gara. Udan erraza da. Elur eta izotzarekin adi ibiltzeko tokia.

PIC DES MOINES edo MONJES (2347m). Atzean, Borau, Aspe, Llena de la Garganta, Llena del Bozo, Bernera,...

Casterau mendia eta lakua, Midi, eta Palas bere eskuinean, Tourettes, eta Gouretteko Gueogue d'Arre, Amoulat, Pic de Ger,...

Bersau lakua eta Ayous-eko aterpea.


Jeisteko, iparraldeko ertza erabili dugu. Ez dugu ezagutzen, eta inprobisatzen ari gara, baina bidezidorra dago eta mugarri batzuk ere bai. Oso polita eta lasaia iruditu zaigu.

Sarri bat lasai gure azpian. Hemen ez dabil jenderik...

Bielle lepoa eta Moines tontorra. Hori da egin dugun jetsiera.

Hourquette mendiaren oinera atera gara. Hau igota daukagu ( erdiko aldapa gogor horretatik), beraz gaur agurtu egingo dugu bakarrik.

Putzu bat Hourquette-ren oinean. Hemendik ere Midi da erregea. Bere atzean Balaitús agertzen da.

Putzu horretako landaretza.

Bersau lakuaren gainean. Hemendik zoragarria ikusten da. Atzean, Ayous mendia.

Casterau eta Midi atzean. Oraingoz argi daukagu gaur dela horra igotzeko eguna. Gainera, mendizale batzuk ikusi ditugu igotzen, eta ikusi dugu nondik den igoera. Zuzenean, parean daukagun malda belartsu horretatik. Horretarako, Bersau lakura jetsi eta berehala heldu gara Casterau-ren oinera.

Hau da igoeraren azkenengo zatia. Bidezidorra eta mugarriak daude, eta lehorra egonda ez dauka zailtasunik. Igoera laburra da.
PIC CASTERAU (2227m). Gure oinetan Roumassot lakua eta Bious harana, eta gabas gainean dagoen Lavigne tontor zorrotza, Gourette-ko mendiak,...

Tontorrean. Atzean, Moines.
Bious harana, Midi eta Peyreget. Ikuspegi bikaina.

Bersau lakua, Hourquette, Larri.
                                                      Ibilbide zirkular desberdina.
Berehala jeisten da tontorretik. Hau da bidea. Horrela inpresio apur bat ematen du, baina lehen esan dugun bezala, bidezidorra dago eta lehorra badago erraza da. Merezi du igotzeak.

Casterau-ren oinean dagoen laku txiki batean. Zaldiak gustoa hartu dio bertan dagoen landaretzari.


Zaldia gero eta barrurago lakutxoan. Goian Casterau, eta atzean Midi.

Gustora dabil.






Ayous-eko lakuen zirkuitoan. Gentau laku ederrera jeisten.

Ayous-eko argazki tipikoa. Gentau lakua eta Midi. Ezkerrean, Lurien agertzen da.
Ayous-eko aterpea Gentau lakuaren gainean.


Beheko lakua, Roumassot, eta L'Iou lepotik Canal Roya-ra doan mendilerroa

Urjauzia bide ertzean, Roumassot lakuaren ondoan.

Artaldea lakuaren ertzean, freskatzen hauek ere.

Jende ugari lakuan. Atzean, Peyreget eta Canal Roya-ra doan mendilerroa.

Roumassot lakua eta Casterau mendia.

Eta egun guztian bezala, Midi d'Ossau. Hortik doa guk pare bat aldiz eginda daukagun Midiren itzuli basatia.
                                            Goiko Itzulia


Ibilbidea bukatzen Bious Artigues-eko urtegian. Bihar, eskuineko sakan horretatik jetsiko gara, Soum d'Aas eta Auliou-ra igo ondoren. Ez gara aspertzen inguru hauetan, behin eta berriz...
Lasaitasuna! Bihar arte.